ಎರಡು ಬೆಕ್ಕುಗಳ ಕಥೆ - eradu bekkugaLa kathe

ಒಂದೂರಲ್ಲಿ ಎರಡು ಬೆಕ್ಕುಗಳು ಇದ್ವಂತೆ. ಒಂದಿನ ಅವಕ್ಕೆ ತುಂಬಾ ಹಸಿವಾಗ್ತಾ ಇತ್ತಂತೆ. ಏನಾದ್ರೂ ತಿನ್ನಕ್ಕೆ ಸಿಗತ್ತಾ ಅಂತ ಹುಡುಕ್ಕೊಂಡು ಹೋಗ್ತಿರುವಾಗ, ಅವಕ್ಕೆ ಒಂದು ದೊಡ್ಡ ಬೆಣ್ಣೆ ಮುದ್ದೆ ಸಿಕ್ತಂತೆ.

ಎರಡೂ ಬೆಕ್ಕುಗಳು ನನಗೆ ಜಾಸ್ತಿ ಬೆಣ್ಣೆ ಬೇಕು, ನನಗೆ ಜಾಸ್ತಿ ಬೆಣ್ಣೆ ಬೇಕು ಅಂತ ಜಗಳ ಮಾಡಕ್ಕೆ ಶುರು ಮಾಡಿದ್ವಂತೆ.

ಬೆಕ್ಕುಗಳ ಜಗಳ ನೋಡಿದ ಒಂದು ಮಂಗಣ್ಣ, ಬೆಕ್ಕುಗಳಿಗೆ ಹೇಳ್ತಂತೆ..

“ನಾನು ನಿಮಗೆ ಬೆಣ್ಣೆ ನ ಸರಿಯಾಗಿ ಪಾಲು ಮಾಡಿ ಕೊಡ್ತೀನಿ, ಜಗಳ ಮಾಡ್ಬೇಡಿ”

ಬೆಕ್ಕುಗಳು ಒಪ್ಕೊಂಡ್ವಂತೆ.

ಮಂಗಣ್ಣ ಒಂದು ತಕ್ಕಡಿ ತಂದು, ಬೆಣ್ಣೆ  ಮುದ್ದೇನ ಎರಡು ಭಾಗ ಮಾಡಿ ತಕ್ಕಡಿ ಎರಡೂ ಕಡೆ ಹಾಕ್ತಂತೆ.

ಒಂದು ಕಡೆ ಸ್ವಲ್ಪ ಬೆಣ್ಣೆ ಜಾಸ್ತಿ ಆಗಿ ತಕ್ಕಡಿ  ಈಕಡೆ ವಾಲ್ತಂತೆ. ಮಂಗಣ್ಣ “ಅಯ್ಯೋ ಈಕಡೆ ಸ್ವಲ್ಪ ಬೆಣ್ಣೆ ಜಾಸ್ತಿ ಆಗ್ಬಿಟ್ಟಿದೆ, ನಾ ಸ್ವಲ್ಪ ತಿಂದು ಸರಿ ಮಾಡ್ತೀನಿ”  ಅಂತ ಚೂರು ಬೆಣ್ಣೆ ತಗೊಂಡು ತಿಂತಂತೆ.

ಇವಾಗ ತಕ್ಕಡಿ ಇನ್ನೊಂದ್ ಕಡೆ ಭಾರ ಜಾಸ್ತಿ ಆಗಿ ಆಕಡೆ ವಾಲ್ತಂತೆ.

ಮತ್ತೆ ಮಂಗಣ್ಣ ಆಕಡೆ ಬೆಣ್ಣೆ ಸ್ವಲ್ಪ ತಿಂತಂತೆ.

ಪೆದ್ದು ಬೆಕ್ಕುಗಳು, ಮಂಗಣ್ಣ ಪಾಲು ಮಾಡಿ ಕೊಡತ್ತೆ, ಬೆಣ್ಣೆ ಸಿಗತ್ತೆ ತಿನ್ನಕ್ಕೆ ಅಂತ  ಸುಮ್ನೆ ಪಿಳಿ ಪಿಳಿ ಕಣ್ಣು ಬಿಟ್ಕೊಂಡು ನೋಡ್ತಾ ಕೂತಿದ್ವಂತೆ.

ಜ಼ಾಣ ಮಂಗಣ್ಣ, ಆಕಡೆ ಈಕಡೆ ಬೆಣ್ಣೆ ತಿಂತಾ ತಿಂತಾ ಪೂರ್ತಿ ಬೆಣ್ಣೆ ಖಾಲಿ ಮಾಡಿ ಓಡಿ ಹೋಯ್ತಂತೆ.

ಪಾಪ ಬೆಕ್ಕುಗಳಿಗೆ ಬೆಣ್ಣೆನೇ ಸಿಗ್ಲಿಲ್ವಂತೆ..

ಬೆಕ್ಕುಗಳೇ ಜಗಳ ಮಾಡದೇನೇ ಬೆಣ್ಣೆ ಹಂಚಿಕೊಂಡಿದ್ರೆ ಹೀಗೆಲ್ಲ ಆಗ್ತಿತ್ತ.. ಅದಿಕ್ಕೆ ಹೇಳೋದು, ಇಬ್ಬರ ಜಗಳ, ಮೂರನೆಯವನಿಗೆ ಲಾಭ ಅಂತ..

===========================================================

    Ondooralli eradu bekkugalu idvante. Ondina avakke tumba hasvagta ittante. Enadru tinnakke sigatta anta hudukkondu hogtiruvaga, avakke ondu dodda benne mudde siktante.

    Eradoo bekkugalu nange jasti benne beku, nange jasti beku anta jagaLa madakke suru madidvante.

    BekugaLa jagaLa nodida ondu mangaNNa, bekkugaLige heLtante..

“naanu nimge beNNe na sariyagi paalu maadi kodteeni, jagaLa madbedi”

    bekkugaLu opkondvante.

    MangaNNa ondu takkadi tantdu beNNe mudena erdu bhaga maadi takkadi erdoo kade haaktante.

    Ondu kade swalpa beNNe jaasti agi takkadi vaaltante. 

    MangaNNa “ayyo eekade swalpa beNNe jasti aagbittide, na swalpa tindu sari maadteeni”  anta chooru beNNe tagondu tintante.

    Ivaga takkadi innond kade bhara jasti aagi aakade vaaltante.

    Matte MangaNNa aakade beNNe swalpa tintante.

    Peddu bekkugaLu, MangaNNa paalu madi kodatte, beNNe sigatte tinnakke anta  sumne piLi piLi kaNNu bitkondu nodta kootidvante.

    JaaNa mangaNNa, aakade eekade beNNe tinta tinta poorti beNNe khali maadi odi hoytante.

    Paapa bekkugaLige beNNe ne siglilvante..

    BekkugaLe jagaLa maDadene beNNe hanchikondidre heegella aagtitta.. Adikke heLodu, ibbara jagaLa, mooraneyavanige laabha anta..